ሊግ ስፖርት ጋዜጣን ቅዳሜ
ሊግ ስፖርት ጋዜጣ ዘወትር ቅዳሜ በገበያ ላይ ስትውል የተለያዩ የሀገር ውስጥ እና የባህር ማዶ መረጃዎችን ይዛሎት ትቀርባለች፤ ተወዳጇ የእናንተ ጋዜጣ ሊግ በነገው እትሟ በሀገር ውስጥ ቅ/ጊዮርጊስ እና ኢትዮጵያ ቡናን ባገናኘው የቤት ኪንግ የኢትዮጵያ ፕሪምየር ሊግ ሸገር ደርቢ ጨዋታ የ3-2 ውጤትን ከተቀዳጀው የቡና ተጨዋቾች ውስጥ አማካዩ ታፈሰ ሰለሞን ይናገራል፤ ታፈሰ ስለ ዕለቱ ጨዋታ ከተናገረው መካከልም “ኢትዮጵያ ቡና ከቅ/ጊዮርጊስ ተሽሎ ተጫውቷል፤ እነሱም በጎዶሎ ልጅ ሆነው ከሌላ ጊዜ አቋማቸው አንፃር ኳስን አደራጅተው ለመውጣት በመሞከር ጥሩ ተንቀሳቅሰዋል፤ እንደዛም ሆኖ ግን በዕለቱ ጨዋታ እኛ የግጥሚያው አሸናፊ ሆነናል፤ ቅ/ጊዮርጊስን ያሸነፍነው ደግሞ ግብ ጠባቂያቸው በቀይ ካርድ ስለወጣባቸውና በጎዶሎ ልጅ ስለተጫወቱ ሳይሆን በሙሉ ልጅም ቢጫወቱ እናሸንፋቸው ነበር” ሲል ከሊግ ስፖርት ጋዜጣ ጋር ባደረገው ቃለ-ምልልስ ሀሳቡን ሰጥቷል፡፡
ሊግ ስፖርት ከኢትዮጵያ ቡና ተጨዋች ውጪ የቤት ኪንግ ፕሪምየር ሊግ የኮከብ ግብ አግቢነትን ከቡናው አቡበከር ናስር ጋር በጋራ ከሚመራው ሙጂብ ቃሲምም ጋር በቡድናቸው እና ከራሱ ጋር በተያያዙ ጉዳዮች ዙሪያ ቆይታን አድርገን ተጨዋቹ ምላሹን ሰጥቷል፡፡
ሊግ ስፖርት በባህር ማዶ ዘገባዋ ደግሞ ስለ አርሰናሉ ተጨዋች ላካዜት መነቃቃት፤ በእንግሊዝ ፕሪምየር ሊግ የዘንድሮ የውድድር ዘመን በስኬታማነቱ እየቀጠለ ስላለው ማንቸስተር ዩናይትዱ አሰልጣኝ ሶልሻየር፤ ስለ ቼልሲው ንጎሎ ካንቴ ስብህናና በጣሊያን ሴሪ አ ደግሞ ከጁቬንቱስ ጋር በተያያዘ የጁቬ ዘመን እያበቃ ይሆን በሚልና በሌሎች መረጃዎች ዙሪያ ሊግ የምታስነብቦት ስለሆነች የነገው እትሟ አታምልጦት፡፡
የሊግ ስፖርት የፊት ለፊት ገፅ ይህንን ይመስላል
ሊግ ስፖርት ጋዜጣን ቅዳሜ
ተመሳሳይ ጽሁፎች