የዛሬ እንግዳችን ባለፉት ሶስት አመታት የገጠመኝን ውጤት ሳይ እድለኛ ነኝ ሁለት ተከታታይ አመታት አሳድጌ ሶስተኛው የፕሪሚየር ሊጉ ባለድል ለመሆን ቡድኔን እየመራሁ ነው ለዚህም እግዚአብሄርን አመሰግናለሁ ወደ ኋላ ወደ7 ወይም 8 አመታት ወደኋላ ስናይ ከደረጃ ውስጥ አልወጣሁም ይላል…. በ207 ከፍተኛ ሊግ ተብሎ በአዲስ መልክ ሲጀመር ዩኒቨርስቲን ስለቅ አሳድጌ ነው 2010 አዲስ አበባን በምክትል አሰልጣኝነት ወደ ፕሪሚየር ሊግ አሳደኩ ከዚያ ኢትዮ ኦቶሞቲቭን ይዤ ዋንጫ አመጣሁ 2011 መድንን ይዤ በወልቂጤ በአንድ ነጥብ ተበልጬ ሳላልፍ ቀረሁ.. በትክክል ማለፍ ነበረብን ከሜዳ ውጪ የተሰሩ ነገሮች ናቸው የጣሉን… 2012 ኮቪድ ነበረና ውድድሮች፡፡
ቀሩ 2013 ላይ ከገላን ጋር ሶስተኛ ጨረስኩ 2014 መድንን 2015 ኢትዮጵያ ንግድ ባንክን አሳድጌ ሻምፒዮን ሆንኩ 2016 በትልቁ ሊግ ከጫፍ ደርሻለሁ ፈጣሪ የተመሰገነ ይሁንና ጥሩ ጊዜ አሳልፌያለሁ” በማለት የአሰልጣኝነት ጉዞው የተሳካ መሆኑን ገልጿል። ከሊጉ ዮሴፍ ከፈለኝ ጋር ቆይታ ያደረገው ለኢትዮጵያ ንግድ ባንክ የመጀመሪያ የፕሪሚየር ሊጉን ዋንጫ ለማስገኘት ከጫፍ የደረሰው አሰልጣኝ በጸሎት ልኡል ሰገድ ለቀረቡለት ጥያቄዎች ምላሹን ሰጥቷል።
ሊግ:– ሶስቱ አመት ግን ካለፉት አመታት አይለዩም እያልክ ነው ..?
በጸሎት:– በርግጥ የተለዩ አመታት ናቸው በ 2014 ፣ በ2015 እና 2016 የተለየ ሆነውልኛል እግዚአብሄር ይመስገን…. በጣም እድለኛ ነኝ ፈጣሪዬን አመሰግናለሁ በዚህ ደረጃ ስኬታማ መሆን ያስደስታል
ሊግ:– ፕሪሚየር ሊጉን እየመራህ ነው…ምን አይነት ስሜት እየተሰማህ ነው..?
በጸሎት:– የሚሰማኝ ስሜት ደስ የሚል ነው….ታሪክ ለመስራት ቀሪ ጨዋታዎቹ ከፍተኛ ትኩረት እንደሚገባቸውና በጥንቃቄ ነገር ግን በጥሩ መነሳሳትና ሞራል ቡድኑን መምራትና በማሸነፍ ስነልቡና ተጋጣሚውን የሚገጥም ቡድን እንዲሆን መስራት እንደሚጠበቅበት አሰልጣኝ ራሴን እያዘጋጀሁ ነው የመጨረሻውን ምዕራፍ በድል ለማጠኔቀቅ እንደሚጥር አሰልጣኝ ነኝ…
ሊግ:- ፕሪሚየር ሊጉ ቀሎሃል ማለት ይቻላል..?
በጸሎት:- በፍጹም ቀላል ሊግ አይደለም፡፡ ከፍተኛ ፉክክክር ያለበት ነው በአካልም በአዕምሮም ዝግጁ መሆን ይጠይቃል፡፡ ሜዳ ላይ ያለህን መስጠት ይጠበቃል እኛም ሰጥተናል በዚያ ላይ ምንም አልጋ በአልጋ ነው ቀላል ነው የምለው ነገር የለኝም እያንዳንዱ ጨዋታ ፉክክር ያለው ውጥረትም የበዛበት ነው በጠንካራ ስራ የመጣ እንጂ ቀላል ብሎ ነገር የለም፡፡
ሊግ:- ተጨዋቾችህ በሚገባ አከበሩህ በሲኒየሮቹ አልተቸገርክባቸውም…?
በጸሎት:– በፍጹሞ ተዋዋደን ተከባብረን ሰላማዊ በሆነ መንገድ ነው እየተጓዝን ያለነው ርግጠኛ ሆኜ የምነግርህ ቡድናችን መሃል መከባበሩ በደንብ አለ…ሁሉም ዲሲፕሊንድ የሚጠበቅበትን የሚያደርግ ማናጅመንቱም በመልካም ትብብር ቡድኑን ወደ ውጤት እየመራን ነው ይሄ በአንድ ቀን አይገነባም ተጨዋቾቹ ታዛዥ ናቸው እነሱን ስናናግር አክረን እነሱመም የሚታዘዙ የአሰልጣኝና የተጨዋች ግንኙነት ፕሮፌሽናል በሆነ መንገድ የሚጓዝበት ክለብ ነው በብዙ መልኩ የቡድኑ አባላት መሃል ኮሽ የሚል ነገር የለም
ሊግ:- ወላይታ ድቻ የመጀመሪያው ዙር ላይ እናንተን 1ለ0 አሸነፋችሁ ሁለተኛው ዙር ላይ 5ለ0 አሸንፋችሁ ተበቀላችሁ …ምን አስተያየት አለህ..?
በጸሎት:– እግርኳስ የራሱ ባህሪ አለው.. እውነት ለመናጀር ከሁለተኛው ዙር በመጀመሪያው ነው የተሻልን የነበርነው በጣም ጥሩ አቋም አሳይተን ነው የተሸነፍነው .. ጨዋታውን ሄዶ ማየት ይቻላል በርካታ ኳሶችን ስተን ነው የተሸነፍነው ሙሉ ኳሰን ተቆጣጥረን ምርጥ በነበርንበት ጨዋታ ተሸነፍን ተበሳጨሁ… ያኔ መጥፎ አልነበሩም ነገር ግን በቆመ ኳስ አሸነፉን ያበሳጫል ሁለተኛው ዙር ላይ ግን እነሱ ቀዝቅዘው ነው የመጡት … ለዋንጫ ነው እየተጫወትን ያለነው ለሽንፈት ቦታ አንሰጥም ተነሳሽነቱ የኛ ይበልጣል እንደዛም ሆኖ ስህተት ላለመስራት ፈጣን ሽግግራቸውን መልሶ ማጥቃታቸውን ተቆጣጥረን አሸንፈናል በዚህም ደስ ብሎኛል። በጨዋታው ላይ ማጥቃቱም ይሁን መከላከሉ ላይ የተሻልን ስለነበርን በጨዋታው ተሳክቶልናል ዋናው ነገር በጨዋታው ላይ የተሻለ አቋም ማሳየት ላይ ነው፡፡
ሊግ:- ከመቻል ውጪ ኢትዮጵያ ንግድ ባንክን ለዋንጫ የሚያሰጋ ክለብ አለ..?
በጸሎት:- በወረቀት ላይ ስናየው ቀሪ አምስት ጨዋታ አለ 15 ነጥብ በለው በዚህ ደረጃ የምንርቃቸው አሉ ማለት ይከብዳል፡፡
ሊግ:- ባህርዳር ከተማ ፣ ኢትዮጵያ ቡና አዳማ ከተማ ቅዱስ ጊዮርጊስ …ያሰጉኛል እያልክ ነው..?
በጸሎት:- እንደ ባለሙያ ስናየው የዋንጫ እድሉ ወደኛ ያደላል … ነገር ግን አልቋል ብዬ በኳሱ ላይ መናገር አልችልም እርግጠኛ የምሆነው ግን ሲያልቅ ነው እግርኳስን ተወዳጅ የሚያደርገውኮ ይሄኛው ባህሪ ነው እንደኔ ገና በሩ ለብዙዎች ክፍት ነው
ሊግ:– መቻል አርብ ከሻሸመኔ ከተማ ጋር ተጫውቶ ካሸነፈ እኩል ነጥብ ስለሚኖራቸው ጫናው ቅዳሜ እስክትጫወቱ ድረሰ እናኖተ ላይ ይሆናል ቅርብ ነው ከዚያ ውጪ ትሰጋላችሁ..? የቅዱስ ጊዮርጊስን እንዲህ መሆን ይጠበቃል..?
በጸሎት:- አሁንም ጨርሰናል ብዬ አላምንም ወደ አራት ክለቦች ጋር እድሉ አለ…አቋሜን አለቀኩም.. ጊዮርጊስን በተመለከተ በዚህ ደረጃ አልጠበኩም ጥሩ ተፎካካሪ ነበር በርግጥ አሁንም እድሉ አለው ከእኛ በዚህ ደረጃ ይርቃል ብዬ አልገመትኩም ነበር ተፎካካሪ ነው ረጅም ጊዜ ዋንጫ ወስደዋል ተስፋ አይቆርጥም ቅዱስ ጊዮርጊስ እጅ ሰጥቷቷል ከዋንጫ ፉክክር ውጪ ነው ብዬ አላምንም
ሊግ:- የጨዋታ ዳኞችን እንዴት አገኘሃቸው..? የዳኞች ስህተት ዋጋ እንዳያስከፍለን ብለህ አትሰጋም ..?
በጸሎት:- እውነት ለመናገር ጠልቄ ስለዳኞቹ መተንተን አልፈልግም ስለቀጣዩ አምስት ጨዋታዎች ላይ አጽንኦት ሰጥቼ መናገር ግን እፈልጋለሁ በቅርቡ በነበሩ የዳኝነት ችግሮች ዙሪያ ለሚመለከታቸው አቤት ብለናል በተለይ መዳቢው አካል በአቅምና የጨዋታው ክብደት ታይቶ ምደባ እንዲደረግ በተለይ ከማች ፊትነስ ጋር ተያይዞ ያለው ክፍተት ቢዘጋ ደስ ይለናል ተጋጣሚ ቡድኖቹ ራሳቸው እንዲሸናነፉ የሚያደርጉ ዳኞች እንዲመደቡ ጠይቀናል የኔም ምክሬ የቻለና አቅም ያለው ቡድን ዋንጫ እንዲያነሳ እፈልጋለሁ
ሊግ:- ያልጠበከውና በመሸነፍህ ያበሳጨህ ጨዋታ የትኛው ..?
በጸሎት:- ስናሸንፍ የምናገኘው 3 ነጥብ ነው በተቃራኒው ስንሸነፍ የምናጣው 3 ነጥብ ነው በተለየ መንገድ ግን ድሬዳዋ ላይ በመቻል የደረሰብን ሽንፈት ያበሳጫል በነገራችን ላይ ድሬዳዋ የተሸነፍነው አንድ ጨዋታ ነው ጥሩ ነበርን በትኩረት ማነስ በ7 ደቂቃ 2 ግብ ተቆጥሮብን መሸነፋችን ቅር ብሎኛል፡፡
ጨዋታውን ለመቀጠልና ለማሸነፍ አለመቻላችን ያናድዳል በነገራችን ላይ ሁሉም ሽንፈት ያማል አሸንፋለሁ ባልከው ጨዋታ አቻ ስትወጣ ያበሳጫል፡፡ በማሸነፌ በተለየ መንገድ የተደሰትኩበት ጨዋታን ግን አላስታውስም እያንዳንዱ ጨዋታ የራሱ ጫና አለው ያም ሆኖ ለማሸነፍ የምንገባበት ጨዋታ ነው ግን በተለየ መንገድ በማሸነፋችን የምንደሰትበት የለም ሁሉም ድል ደስ ይላል… መጀመሪያ ማሸነፍ ካልተቻለ አቻ መውጣት ነው የምናስበው፡፡
ሊግ:- በመደመሪያው ዙር 4ለ2 ካሸነፋችሁት ፋሲል ከነማ ጋር ቅዳሜ ጨዋታ አለባችሁ….. ምን ውጤት ይጠበቅ..? / ቃለምልልሱን ያደረግነው ማክሰኞ ምሽት ነው/
በጸሎት:– የጨዋታ ውጤትን ከ90 ደቂቃው በኋላ እናውቃለን አሁን ዝም ብሎ አይገመትም…. ፋሲል ከነማ ልምድ ያላቸው ጨዋታ ማሸነፍ የሚችሉ ተጨዋቾችና ጠንካራ አሰልጣኝ ባለቤት ነው አጠቃላይ ስብስቡን ስታይ ቀላል ቡድን አይደለም ወጣ ገባ በሆነው አቋማቸው ነጥባቸው ወደታች ሆነ እንጂ አመቱ መጀመሪያ ላይ ቁጥር አንድ ለዋንጫ ተገማች ቡድን ነው ደማቅ ውጤት ያለው ቡድን ነው የምንገጥመው ቡድኑ ትልቅ ነው እናሸንፈዋለን ብዬ መናገር አልሻም፡፡
ሊግ:- እግርኳስ ላይ ማሸነፍ አቻና መሸነፍ እኔዳለማ ማንም ያውቀዋል …ለተጨዋቾችህ የምትነግራቸው ስለማሸነፍ ነው ወዬስ አቻም መሸነፍምም አለ እያልክ ነው..?
በጸሎት:– አሁንኮ ወሳኝ ምዕራፍ ላይ አንገኛለን የመጨረሻው ምዕራፍ ላይ ሆኜ የመጀመሪያው የመጨረሻውም ግቤ ማሸነፍ ብቻ ነው የዋንጫ ፉክክር ውስጥ እስካለህ ድረስ ማሸየፍ ይጠበቅብሃል እንደ አጠቃላይ እግርኳስ ነው አይገመትም 3 ነጥብ አገኛለሁ ብለህ ጠብቀህ ላይሳካ ይቻላል ለማሸነፍ የምንችለውን እናናደርጋለን ውጤቱን ግን የምነግርህ ከ90 ደቂቃ በኋላ ነው ለማሸነፍ የምንችለውን እናደርጋለን ፋሲል ከነማን ለማሸነፍ አልጋ በአልጋ ነው ማለት አልችልም ብዙ ልመምድ አላቸው ጠንካራ ናቸው ከፍተኛ ፈተና ሊገጥመን ይችላል ፈተናውን ተቋቁመን ግን 3 ነጥብ ለማግኘ እንጥራለን..
ሊግ:-የኢትዮጵያ ንግድ ባንክ አመራሮች ድጋፍ ምን ይመስላል..?
በጸሎት:- በጥሩ ሁኔታ እየደገፉን ነው ክለቡ ደስ ይላል እጅግ የተረጋጋ ክለብ ነው በማናጅመንቱና በስፖርት ማህበሩ በኩል ጥሩ የሚባል ድጋፍ እየተደረገልን ነው ደጋፊ በማዘጋጀት ቡድኑን በመከታተል ክፍተት እንዳይገኝ ሞራል በመስጠት የሚፈለገውን በማቅረብ ትልቅ ድጋፍ እያደረጉልን ነው በአጋጣሚው አመሰግናለሁ፡፡
ሊግ:- ውድድሩ ሲጀመር የያዛችሁት እቅዳችሁ ምን ነበስ ..ተሳታፊ …ዋንጫ ማሸነፍ ወይስ አለመውረድ..?
በጸሎት:- ማንኛውም ክለብ የመደመሪየያ አመቱ አዲስ ቡድን እንደመገንባቱ ላለመውረድ በሊጉ ማቆየትን ብቻ ሊያስብ ይችላል እኛም አዲስ ቡድን ስለሆንን ከተቻለ ዋንጫ ካልተቻለ ጠንካራ ቡድን ሆኖ መፎካከር የሚችል ቡድን መገንባትን አቅደናል ከሁሉም ግን መቼም ቢሆን የያዝኩትን ቡድን ላለመውረድ አቅጄ አላውቅም አላደርገዌምም… ያለኝን እስከ መጨረሻ አውጥቼ እጠቀማለሁ ከተሳካ ጥሩ ካልተሳካ ለነገ ሌላ እቅድ እይዛለሁ እንጂ በፍጹም ላለመውረድ አቅጄ አላውቅም…
ሊግ :- የድጋፉ ሂደት ምን ይመስላል…ባልተለመደ መንገድ ደጋፊዎችን እያየሁ ነው…?
በጸሎት:- ደጋፊ በደጋፊ ሆነናል… የኛ ደጋፊ የተጠነሰሰው አምና አሰላ ላይ የከፍኛ ሊግ ሁለተኛ ዙር ላይ ነው መጀመሪያ ከአዳማ የመጡ ልጆች ቡድናችንን መደገፍ ጀመሩ አላውቃቸውም እኔን ብለው የመጡ ናቸው ውድድሩ አዳማ ላይ ሲቀጥል በርካታ ደጋፊ ተቀላቀላቸውና የተጠናከረ ድጋፍ ማግኘት ቀጠለ በውጤቱና በአጨዋወት ድጋፍ አገኘን ድሬዳዋ ላይ በከፍተኛ ሁኔታ ቁጥሩ ጨመረና የምናገኘው ድጋፍ በዛ ማሊያ አዘጋጀን የደጋፊ ኮሚቴ ተቀቋመ አሁን ባዶ ሜዳ ያለ ደጋፊ መጫወት አይሰማንም በብዙ ጩወት ውስጥ እየተጫወትን ነው አሁን ሀዋሳ ላይ ድጋፉ ተጠናክሮ ቀጥሏልና ደጋፊያችን በዝቷል፡፡
ሊግ:- እንደ ኢትዮጵያ ቡና ቅዱስጊዮርጊስ ፋሲል ከነማን በመሰለ የደጋፊ ጫና ውስጥ ነን ማለት ትችላለህ…?
በጸሎት:– እነሱማ ትልቅ ልምድ አላቸው አይገናኝም ብዛት አላቸው ልምድ አላቸው እንደ ቡና ደጋፊ ልክ ነው አልልህም ባልተለመደ መልኩ እስካሁን ባልታየ ደጋፊ እየተደገፍን ነው ማለት ግን ይቻላል፡፡
ሊግ:- ጨረስኩ …የመጨረሻ የምትለው ካለ…?
በጸሎት:– አምስት ጨዋታ ቀርቶናል የመጨረሻ ምዕራፍ ላይ እንገኛለን እስካሁን የነበረው አብሮነት ድጋፍ ከዚህ በፊት ከነበረው በላይ ተጠናክሮ እንዲቀጥል እጠይቃለሁ ደጋፊዎቻችን የቦርድ አባላቱ የስፖርት ማህበሩና ሰራተኞች እስከ መጨረሻው ጠንክረው ከጎናችን እንዲሆኑ ጥሪ አደርጋለሁ አመሰግናለሁ፡፡
