የአዳማ ከተማው ውጤታማ አሰልጣኝ ይታገሱ እንዳለ ለቀጣዮቹ አራት አመታት የድሬዳዋ ከተማ አሰልጣኝ ለመሆን ተስማማ።
ትላንት በሸራተን አዲስ በተካሄደው የፊርማ ስነስርዓት በደመወዝ ይከፈለን ከተጨዋቾቹ ጋር ውዝግብ ውስጥ የነበረውን አዳማ ከተማ የተሻለ ስፍራ ላይ ማስቀመጡን የተረዱት የከተማው ከንቲባ ከድር ጁሃርና የክለቡ አመራሮች የአራት አመት ኮንትራት በመስጠት ድሬዳዋ ከተማን የተሻለ ስፍራ እንዲያደርስ እስከ 2020 ድረስ የክለቡን ሃላፊነት ሰጥተውታል።
የክለቡ ፕሬዝዳንት ኢ/ር ጀማል ኢብራሂም ” አሰልጣኙ ያበቃቸው ከፍ ያደረጋቸውን ተጨዋቾች ስመለከት ተደሰትኩ አዲሱ አሰልጣኛችንም ይህን በድሬዳዋ እንደሚቀጥል እናምናለን በቀጣይ ስራ ይጠብቀናል አንተርናሽናል ሜዳ እንድንጠቀም እድል ስለተሰጠን ደስተኞች ነን ለአሰልጣኙ መልካም የስራ ጊዜ እመኛለሁ” ሲሉ ዋና ስራ አስኪያያጁ አቶ እስከዳር ዳምጠው በበኩላቸው ” አሰልጣኝ ይታገሱ በወጣት የሚያምን ትልቅ ራዕይ ያለው ለከንቲባችን ጥረት እውቅና የሰጠና ታዳጊዎችን ማፍራት የሚችል ጠንካራ አሰልጣኝ በመሆኑ ቡድናችንን እንዲያሰለጥን ተስማምተናል” ሲሉ ተናግረዋል። ” በዕለቱ የተገኘው ፉአድ ኢብራሂም በበኩሉ ” ክለባችንም አሰልጣኙም እድለኛ እንደሆኑ ይሰማኛል ማንም አመራር ጣልቃ የማይገባበት ክለብ አሰልጣኝ በመሆኑ ደስተኛ ነኝ ለወደፊቱ የተሻለ ስኬት እንደሚገጥመን ተስፋ አደርጋለሁ”ሲል ተናግሯልል
አሰልጣኝ ይታገሱ እንዳለም “ሳልወለድም በፊት ትልቅ ስም ያላት ኮከቦች የሚፈሩባትም ድሬዳዋን ለማሰልጠን በመቻሌ ተደስቻለሁ ድሬዳዋ ከተማ የመረጥኩት የአመራሮቹ ሰላምና ብቃት ወጣቶች የሚያፈሩባት ከተማ በመሆኑ ምርጫዬ አድርጌያታለሁ። በቀጣይ የወሰድ ኩት ሃላፊነት ትልቅ በመሆኑ ከዲቪዚዮን አሰልጣኞች እገዛ እንደማገኝም ተስፋ አደርጋለሁ። ከድሬዳዋ ከተማ ጋር ታማኝ ሆኜ ለመስራት ድሬዳዋ ከተማን ውጤታማ ለማድረግ የከተማው እግርኳስ እንዲያድግ ወጣቶችም እንዲፈሩ የሚቻለኝን አደርጋለሁ ለአዳማ ከተማ ታማኝ እንደነበርኩ ለድሬዳዋ ከተማም ታማኝ እሆናለሁ” ሲል ቃል ገብቷል።
ደመወዝ ያልተከፈላቸውና የመጫወት ሞራላቸው የተነኩትን ተጨዋቾች እያባባለና እያግባባ ቡድኑን የተሻለ ደረጃ ላይ ያደረሰው አሰልጣኙ የደመወዝ ያለመክፈል ጥያቄ የማይነሳበትን ድሬዳዋ ከተማን ለማሰልጠን መስማማቱ የተሻለ የስራ ነጻነት የሚፈጥርለት ይሆናል ተብሏል።
በወጣቶች ላይ ባለው እምነት የሚታወቀው አሰልጣኝ ይታገሱ የአዲሱ ክለቡ አመራሮች የድሬዳዋ እግርኳስ አፍቃሪያን የሚደመሙባቸውን ወጣቶች የማፍራት ስራውን በነጻነት እንዲሰራ ይፈቅዱለታል ተብሎ ይጠበቃል።
የአሰልጣኙ የአራት አመት ኮንትትራት ከኢትዮጵያ ቡናው የቀድሞ አሰልጣኝ ካሳዬ አራጌ በመቀጠል ሁለተኛው አሰልጣኝ ሆናል።
