“በልጅነቴ ሳደንቃቸው ከነበሩ ተጨዋቾች ጋር አብሬ መጫወቴ ግርም ይለኛል” ሀብቶም ብርሃኔ

በኳስ አጨዋወቱ ብዙዎቹ የሚያደንቁት በድንገት የመጣ የውጭ ፕሮስስ የሚወደውን ኳስ ሳይጠግብ ከሀገር በመውጣት በእዛው የቀለጠው ሀብቶም ብርሃኔ የዛሬው አሁን የት ነው ያለው እንግዳዬ ነው፡፡

ጥያቄ፡– የት አካባቢ ነው የተወለድከው?

መልስ፡- የተወለድኩት ፉልውሃ አካባቢ ሲሆን እድገቴ ደግሞ ሳሪስ ወርቅ ሰፈር በሚባለው አካባቢ ነው፡፡

ጥያቄ፡– የልጅነት የኳስ ሕይወት ምን ይመስላል?

መልስ፡- እንደማንኛውም ታዳጊ በጨርቅ ኳስ ነው ተጫውቼ ያደኩት፡፡ እንዲሁም በሰፈር ውስጥ በሚደረግ ውድድር እዚህ ሰፈር ከዚህ ሰፈር እንዲሁም ከፍ ሲል በትምህርት ቤት ነው ተጫውቼ ያሳለፍኩት፡፡ በተለይ በልጅነታችን ላለመሸነፍ የምናደርገው ጥረት ልዩ ነበር፡፡

ጥያቄ፡– በትልቅ ደረጃ መጫወት እየተገባቸው ያልተሳካላቸው የምታስታውቸው ልጆች አሉ?

መልስ፡- በጣም ብዙ ነበሩ፡፡ ሰፈር ውስጥ አብረውኝ የተወቱ ጎበዝ ልጅ ግን ሁሌም የማረሳው ማራዶና የሚባል ልጅ ነበር፡፡ ኳስ ሲቀበል ኳስ አገፋፏ እይታው ጎል ሲያገባ እራሱ ማራዶና ባለው ከአላሙዲ ፕሮጀክት የዘለለ ቦታ አለመጫወቱ ሁሌም ይገርመኛል፡፡

ጥያቄ፡– ልጅነትህን ስታስበው ምን ትዝ የሚል ነገር አለ?

መልስ፡- ለኳስ የምንከፍለው ነገር አይረሳኝም፡፡ የስፖርት እርዳታ ለመለመን ጠዋት ወተን ማታ ነበር የምንገባው፡፡ በሰበሰብነው ገንዘብ ማሊያ ለመግዛት ስንቱን ኳስ የሚወድ ደጋፊ እናስቸግር ነበር፡፡

ጥያቄ፡– የክለብ አገባብህ ምን ይመስላል?

መልስ፡- የክለብ አገባቤ አስታውሳለው፡፡ የመድን ካምፕ ለእኛ ሰፈር ቀረብ ይላል፡፡ እናም የሲ ምርጫ አለ ብለው የሰፈር ልጆች ሲሄዱ እኔም እነሱን ለማየት አብሬያቸው ሄድኩ፡፡ እናም በእዛ ወቅት ወንድሜ ተክሌ መድን ይጫወት በር፡፡ እዛ አይቶኝ ምን ትሰራለክ ሲለኝ ምርጫ ለማየት ነው የመጣሁት ስለው መምከር ትፈልጋለህ ሲለኝ ትጥቅ አልያዝኩም እንጂ ብሞክር ደስ ይለኛል ስለው ትጥቅ ሰቶኝ ሞከርኩኝ፡፡ በእዛ ሰዓት የሚመርጣው ነብሱን ይማረው እና ስዩም አባተ ነበር፡፡ ከ500 ልጆች 20 ተመረጥን እኔም ጓደኞቼን ለማስመረጥ ሄጄ እኔ ተመረጥኩኝ፡፡ የክለብ አገባቤ ባጋጣሚ ነው እልካለሁ፡፡

ጥያቄ፡– ለስንት ክለቦች ተጫውተካል?

መልስ፡- በአጠቃላይ ለአምስት ክለቦች ተጫውቻለሁ፡፡ እነሱም የኢትዮጵያ መድን ድርጅት መብራት ኃይል ትራንስ ኢትዮጵያ አዳማ ከነማ ሀዋሳ ከነማ እነዚህ ናቸው፡፡

ጥያቄ፡– የማትረሳው ጨዋታ አለ ከማን ጋር የነበረ ጨዋታ?

መልስ፡- የማረሳው ጨዋታ መቀሌ ላይ መድን እያለው ላለመውረድ ከትራንስ ጋር ስንጫወት አራት ልጅ በቀይ ካርድ ወተውብን 1-0 ያሸነፍንበትን ጨዋታ እውነታ እውነት እልሀለው ሕይወቴን ሙሉ በኳስ እንደዚህ አይነት በደል አይቼ አላውቅም፡፡

ጥያቄ፡– ከማን አጠገብ መጫወት ያስደስትካል?

መልስ፡- ከዮሴፍ ተስፋዬ (ቫንቫስተን) እና ከጌታቸው ካሳ (ቡቡ) አጠገብ መጫወት ያስደስተኛል፡፡

ጥያቄ፡– ካገባከው ጎል የማትረሳው የቱን ነው?

መልስ፡- የማታ ጨዋታ መድን ከቡና ስንጫወት 87ኛው ደቂቃ ላይ ከርቀት ሳዳት ጀማል ላይ ያገባሁትን ጎል እና የጊዮርጊስ ደጋፊዎች ጋዜጣ እያቀጣጠሉ ሲጨፍሩ የነበረው ነገር ሁለም አረሳውም፡፡

ጥያቄ፡– ከገባባቹ ጎል የማትረሳው የቱን ነው?

መልስ፡- ትራንስ እያለው ከቡና ጋር ባደረግነው ጨዋታ እድሉ ደረጄ (በዴክስ) ያገባብን ጎል አረሳውም፡፡   

ጥያቄ፡– የአንተ ምርጥ ተጨዋች ማን ነው?

መልስ፡- እውነት ለመናገር ማዳላት አይሁንብኝና የእኔ ምርጥ ተጨዋች ወንድሜ ተክሌ ብርሃኔ  እና ዮርዳኖስ አባይ ናቸው፡፡

ጥያቄ፡– የአንተ ምርጥ አሰልጣኝ ከነ አሰልጣኙ ተቀያሪም ይቻላል?

መልስ፡- ለ4-4-2 አሰላለፍ፤ በረኛ ፀጋአዛብ አስግዶም፡፡ ተከላካይ አንዋር ሲራጅ፣ ሳሙኤል (ኩኩሻ)፣ አፈወርቅ ኪሮስ፣ ዮናስ ገ/ሚካኤል፡፡ አማካይ ላይ ዮሴፍ ተስፋዬ፣ ተክሌ ብርሃኔ፣ ካሳዬ አራጌ፣ ዳዊት መብራቱ /ገዳዳው/፡፡ አጥቂ ላይ ዮርዳኖስ አባይ፣ አንዷለም ገ/ሕይወት፡፡ ተቀያሪ ላይ ንጋቱ ታሰደ አሰልጣኝ ስዩም አባተ፣ አንዳርጋቸው ሰለሞን፣ ባሳዝነው ጌታቸው፣ አሸናፊ ግርማ፣ ጌታቸው ካሳ /ቡቡ/፣ አሰግድ ተስፋዬ /ነፍስ ይማር/፣ አዳነ ግርማ፡፡ 

ጥያቄ፡– ከቤተሰብ የማንን ፈለግ በመከተል ነው ወደ ኳስ የገባከው?

መልስ፡- ቅድም ገልጬልካለው፡፡ ወንድሜ ተክሌ ብርሃኔን ለመመልከት ነው ወደ ኳሱ የገባሁት፡፡

ጥያቄ፡– የሚያስቸግርህ ተጨዋች ማን ነበር?

መልስ፡- ሙሉጌታ ምህረት የሚያስቸግረኝ ተጨዋች ነው፡፡

ጥያቄ፡– አሁን የት ትገኛለህ?

መልስ፡- አሁን ኑሮዬን በስዊዘርላንድ ካደረኩኝ አስር ዓመት ሆኖኛል

ጥያቄ፡– ከሀገር አወጣጥህ እንዴት ነበር?

መልስ፡- እንደ ቀልድ የጀመርኩት ፐሮሰስ ተሳክቶ ከሀገር የወጣሁት ቀድሞኝ ታላቅ ወንድሜ ተክሌ እዛ ስለነበር እሱ ጋር ወጣሁ፡፡ በእዛው ቀልጬ ቀረው እልካለው፡፡

ጥያቄ፡– የሚቆጭህ ነገር ካለ?

መልስ፡- በጣም የሚቆጨኝ ኳስን በደንብ መጫወት በምችልበት እና ብዙ ልምድ ባገኘውበት ጊዜ ነበር፡፡ ከሀገር የወጣሁት እናም ብዙ መጫወት እየቻልኩ ማቆሜ በጣም ይቆጨኛል፡፡

ጥያቄ፡– ጥሩም መጥፎም ገጠመኝ ካለህ?

መልስ፡- ጥሩ ገጠመኝ የምለው በልጅነቴ ሳደንቃቸው ከነበሩ ተጨዋቾችጋር አብሬ መጫወቴ እንደ ጥሩ ገጠመኝ ስወስደው መጥፎ ገጠመኝ የምለው ለጨዋታ ከአዳማ ከነማ ጋር ወደ አዲግራት ስናመራ መኪናችን ተገልብጦ ሁለት ሰው ሲሞት 14 ሰው የቆሰለበትን የተጎዳበትን መጥፎ ጊዜ ነበር ያሳለፍነው፡፡ ይሄን መጥፎ ጊዜ አስታውሳለሁ፡፡

ጥያቄ፡– ለስንት ዓመት ተጫወትክ?

መልስ፡- በፕሪምየር ሊጉ ላይ ለ20 ተጫውቻለሁ፡፡

ጥያቄ፡– ለወጣት ቡድን ኦሎምፒክ ቡድን ስትመረጥ የነበረህን ስሜት ግለፅልኝ፡፡ የት እየተጫወትክ ነበር የተመረጥከው?

መልስ፡- በመጀመሪያ ለታዳጊ ቡድን የተመረጥኩት መድን እየተጫወትኩ ነው፡፡ በወቅቱ የታዳጊ ብሄራዊ ቡድን አሰልጣኝ ጋሽ ሰውነት ነበር፡፡ የተሰማኝ ደስታ በጣም ልዩ ነበር፡፡ በእዛ ላይ የቡድኑ ካፒቴን ነበርኩ፡፡ ወጣት ቡድን እና ኦሎምፒክ ቡድን ደግሞ ስዩም አባተ ነበር አሰልጣኙ፡፡

ጥያቄ፡– ቀይ ካርድ አይተህ ታውቃለህ?

መልስ፡- በፍፁም አይቼ አላውቅም፡፡

ጥያቄ፡– የምታደንቀው ዳኛ ማን ነው?

መልስ፡- ኪነ ጥበቡ /ኪነ/ እና በአምላክ ነው የማደንቀው፡፡

ጥያቄ፡– ቀረ የምትለው ካለ?

መልስ፡- በኳስ ሕይወቴ ብዙ አሰልጣኞች አሰልጥነውኛል፡፡ ብዙ ነገር አስተምረውኛል፡፡ በተለይ ግን ብርሃኔ ገ/እግዚአብሔር ለኔ ትልቅ ባለውለታዬ ነው፡፡ በጣም በጣም አመሰግነዋለሁ፡፡ እንዲሁም አንተን ካለሁበት ፈልገህ በማግኘት አሁን የት ነው ያሉት በሚል እንግዳ ስላደረከኝ እንዲሁም ባደረቦችህን በጣም አመግናለሁ፡፡ ሀገራችንን ሰላም ያድርግልን ቻው፡፡